സംസ്ഥാനത്ത് ഗുരുതര സാഹചര്യമെന്ന് മുഖ്യമന്ത്രി; ഓണപ്പരീക്ഷകൾ മാറ്റി

കേരളത്തിലേത് ഗുരുതരമായ സാഹചര്യമെന്ന് മുഖ്യമന്ത്രി പിണറായി വിജയന്. കേരളത്തിലേക്ക് കൂടുതല് കേന്ദ്ര സംഘത്തെ അയക്കണമെന്നും മുഖ്യമന്ത്രി പ്രധാനമന്ത്രിയോട് ആവശ്യപ്പെട്ടു.ഫോണിലൂടെയാണ് പ്രധാനമന്ത്രിയോട് കേരളത്തിന്റെ ആവശ്യം മുഖ്യമന്ത്രി അറിയിച്ചത്.

അതേസമയം സംസ്ഥാനത്ത് കനത്തമഴ തുടരുന്ന സാഹചര്യത്തില് ഓണപരീക്ഷകള് മാറ്റിവെച്ചു. ഒന്ന് മുതല് പത്താം ക്ലാസ് വരെയുള്ള പരീക്ഷകളാണ് മാറ്റിയത്. ഈ മാസം 31ന് തുടങ്ങാനിരുന്ന പരീക്ഷകളാണ് മാറ്റിവെച്ചത്. ഹയര്സെക്കണ്ടറി രണ്ടാം വര്ഷ പരീക്ഷകളും മാറ്റിയിട്ടുണ്ട്.ആഗസ്ത് 31ന് തുടങ്ങാനിരുന്ന പരീക്ഷകളാണ് മാറ്റിവെച്ചത്.

പ്രളയം കാരണം കേരളം നേരിടുന്ന ഗുരുതരമായ സ്ഥിതിവിശേഷം സംബന്ധിച്ച് പ്രധാനമന്ത്രി നരേന്ദ്രമോദിയുമായും കേന്ദ്ര ആഭ്യന്തര മന്ത്രി രാജ്നാഥ് സിങ്ങുമായും സംസാരിച്ചു.ആവശ്യമായ എല്ലാ സഹായവും ലഭ്യമാക്കുമെന്ന് പ്രധാനമന്ത്രി ഉറപ്പു നല്കി. നദികളെല്ലാം കരകവിഞ്ഞൊഴുകുകയ
ാണെന്നും അണക്കെട്ടുകളെല്ലാം തുറന്നിരിക്കുകയാണെന്നും പല വില്ലേജുകളും ഒറ്റപ്പെട്ടിരിക്കുകയാണെന്നും ധരിപ്പിച്ചു.
ആര്മിയുടെയും എന്.ഡി.ആര്.എഫിന്റെയും ആര്മി എഞ്ചിനീയറിംഗ് കോറിന്റെയും കൂടുതല് വിഭാഗങ്ങളെ ഉടനെ കേരളത്തിലേക്ക് അയക്കണമെന്ന് ആഭ്യന്തര മന്ത്രിയോട് അഭ്യര്ത്ഥിച്ചു. എന്.ഡി.ആര്.എഫ് അംഗങ്ങളെ അത്യാവശ്യസ്ഥലങ്ങളില് എത്തിക്കുന്നതിനും രക്ഷാപ്രവര്ത്തനത്തിനുളള ഉപകരണങ്ങള് കൊണ്ടുപോകുന്നതിനും സി-17 വിമാനങ്ങള് അനുവദിക്കണം. കൂടുതല് ഡിങ്കി ബോട്ടുകള് വിമാനത്തില് എത്തിക്കണം.
മുല്ലപ്പെരിയാര്‍ അണക്കെട്ടിലെ ജലനിരപ്പ് 142 അടിയില് എത്തിയിരിക്കുകയാണെന്നും ഈ സാഹചര്യത്തില് തമിഴ്നാട് മുഖ്യമന്ത്രിയുമായി സംസാരിക്കണമെന്നും ആഭ്യന്തരമന്ത്രിയോട് അഭ്യര്ത്ഥിച്ചു. മുല്ലപ്പെരിയാറിലേക്ക് വന്നുചേരുന്ന വെള്ളത്തിന്റെ അളവ് പുറത്തുവിടുന്ന വെള്ളത്തേക്കാള്‍ അധികമാണ്.അതിനാല് ജലനിരപ്പ് 139 അടിയിലേക്ക് കുറച്ചുകൊണ്ടുവരുന്നതിന് തമിഴ്നാട് സര്ക്കാര് അടിയന്തരമായി ഇടപെടേണ്ടതുണ്ട്.
കേന്ദ്ര ആഭ്യന്തരമന്ത്രിയുമായി സംസാരിച്ചതിന്റെ അടിസ്ഥാനത്തില് മുല്ലപ്പെരിയാര്‍ വിഷയത്തില് കേന്ദ്ര ആഭ്യന്തരസെക്രട്ടറി തമിഴ്നാട് ചീഫ് സെക്രട്ടറിയുമായി സംസാരിക്കുകയുണ്ടായി. ഇക്കാര്യം പിന്നീട് രാജ്നാഥ് സിങ് അറിയിച്ചു.എന്.ഡി.ആര്.എഫിന്റെ കൂടുതല് വിഭാഗങ്ങളെ കേരളത്തിലേക്ക് അയക്കുമെന്നും കൂടുതല് ഡിങ്കി ബോട്ടുകള് എത്തിക്കുമെന്നും രാജ്നാഥ് സിങ് അറിയിച്ചു.
ഗവര്ണര് പി. സദാശിവത്തെ രാജ്ഭവനില് സന്ദര്ശിച്ച് പ്രളയദുരന്തവുമായി ബന്ധപ്പെട്ട കാര്യങ്ങള് ധരിപ്പിച്ചു.-Pinarayi Viajayan