യുപിയില് എട്ടുവയസുകാരിയെ ബലാത്സംഗം ചെയ്ത് കൊന്നു

കത്വയില് പെണ്കുട്ടിയെ ക്രൂരമായി പീഡിപ്പിച്ച ശേഷം ക്ഷേത്രത്തില് വെച്ച് കൊലപ്പെടുത്തിയതിനു പിന്നാലെ രാജ്യത്ത് മറ്റൊരു കുട്ടിയെയും ക്രൂരമായ ബലാത്സംഗത്തിനൊടുവില് കൊലപ്പെടുത്തിയെന്ന് റിപ്പോര്ട്ടുകള്. ഉത്തര്പ്രദേശിലെ എട്ടയിലാണ് ഒരു എട്ടുവയസുകാരിയെ ബലാത്സംഗം ചെയ്ത ശേഷം കൊലപ്പെടുത്തിയിരിക്കുന്നത്. സംഭവവുമായി ബന്ധപ്പെട്ട് ഏട്ട സ്വദേശിയായ സോനു (18) വിനെ പോലീസ് അറസ്റ്റ് ചെയ്തിട്ടുണ്ട്.

ശീതള്പുരിലെ മണ്ഡി സമിതിക്കു സമീപം ഒരു കല്യാണത്തില് പങ്കെടുക്കാന് മാതാപിതാക്കള്ക്കൊപ്പം എത്തിയ പെണ്കുട്ടിയെ തട്ടിക്കൊണ്ടുപോവുകയായിരുന്നു. ഞായറാഴ്ച കാണാതായ പെണ്കുട്ടിയുടെ മൃതദേഹം തിങ്കളാഴ്ചയാണ് കണ്ടെത്തിയത്. കല്യാണവീടിനടത്തുള്ള പണിതീരാത്ത ഫല്റ്റിലേക്ക് കുട്ടിയെ കൊണ്ടുപോയ ശേഷമാണ് പ്രതി പീഡിപ്പിച്ചതെന്ന് കരുതുന്നു.

കുട്ടിയുടെ മൃതദേഹത്തിനു സമീപം മദ്യപിച്ച് ലക്കുകെട്ട നിലയില് പ്രതിയെ കണ്ടെത്തുകയായിരുന്നെന്ന് പോലീസ് സൂപ്രണ്ട് അഖിലേഷ് കുമാര് ചൗരസ്യ പറഞ്ഞു.